tabah kar ke dil-e-KHanuman-KHarab mujhe

tabāh kar ke dil-e-ḳhānumāñ-ḳharāb mujhe

qarīb-e-manzil-e-hastī na de javāb mujhe

ba-lutf-e-ḳhās ināyat ho aaj to saaqī

nigāh-e-shoḳh se ik sāġhar-e-sharāb mujhe

tamām umr basāyā unheñ nigāhoñ meñ

vo aaj baḳhsh ga.e dūrī-e-hijāb mujhe

har ek rind pukārā tumhāre jaate hī

sharāb chāhiye ab be-had-o-hisāb mujhe

na ab takalluf-e-bejā se kaam le saaqī

pilā pilā sar-e-mai-ḳhāna be-hisāb mujhe

agar lagāo na hotā unheñ to vo 'jauhar'

sitam ke vāste kyoñ karte intiḳhāb mujhe

tabah kar ke dil-e-KHanuman-KHarab mujhe

qarib-e-manzil-e-hasti na de jawab mujhe

ba-lutf-e-KHas inayat ho aaj to saqi

nigah-e-shoKH se ek saghar-e-sharab mujhe

tamam umr basaya unhen nigahon mein

wo aaj baKHsh gae duri-e-hijab mujhe

har ek rind pukara tumhaare jate hi

sharab chahiye ab be-had-o-hisab mujhe

na ab takalluf-e-beja se kaam le saqi

pila pila sar-e-mai-KHana be-hisab mujhe

agar lagao na hota unhen to wo 'jauhar'

sitam ke waste kyon karte intiKHab mujhe