تبسم دلبرانہ ہو گیا ہے
غضب کا مسکرانا ہو گیا ہے
محبت پا گئی ہے اپنی منزل
ترے دل میں ٹھکانا ہو گیا ہے
مجھے اندیشۂ برق تپاں ہے
مکمل آشیانہ ہو گیا ہے
نہ جانے کس طرح اس بے خبر سے
تعلق غائبانہ ہو گیا ہے
مری روداد کس کو یاد ہوگی
مرا قصہ پرانا ہو گیا ہے
انہیں دل کیوں نہ چاہے دیکھنے کو
انہیں دیکھے زمانہ ہو گیا ہے
اسے سجادؔ کیا اب یاد کرنا
جسے چھوڑے زمانہ ہو گیا ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
