tabiat su-e-asani kabhi mail nahin hoti

tabī.at sū-e-āsānī kabhī maa.il nahīñ hotī

mohabbat meñ koī mushkil bhī ho mushkil nahīñ hotī

musāfir baiTh jaatā hai jahāñ bas baiTh jaatā hai

phir us ke baad us ko ḳhvāhish-e-manzil nahīñ hotī

unheñ rahm aa hī jā.egā tū arz-e-hāl kartā jā

ḳhulūs-e-dil se jo koshish ho lā-hāsil nahīñ hotī

tirī mahfil meñ kaun aayā tirī mahfil se kaun uTThā

tujhe is kī ḳhabar ai sāhab-e-mahfil nahīñ hotī

banāte hī nasheman barq aatī hai jalāne ko

ḳhudā kā shukr hai mehnat mirī zaa.il nahīñ hotī

ḳhushī kī hadd-e-āḳhir par to aañsū DabDabāte haiñ

magar kyā baat hai ġham kī koī manzil nahīñ hotī

tabiat su-e-asani kabhi mail nahin hoti

mohabbat mein koi mushkil bhi ho mushkil nahin hoti

musafir baiTh jata hai jahan bas baiTh jata hai

phir us ke baad us ko KHwahish-e-manzil nahin hoti

unhen rahm aa hi jaega tu arz-e-haal karta ja

KHulus-e-dil se jo koshish ho la-hasil nahin hoti

teri mahfil mein kaun aaya teri mahfil se kaun uTTha

tujhe is ki KHabar ai sahab-e-mahfil nahin hoti

banate hi nasheman barq aati hai jalane ko

KHuda ka shukr hai mehnat meri zail nahin hoti

KHushi ki hadd-e-aKHir par to aansu DabDabaate hain

magar kya baat hai gham ki koi manzil nahin hoti