tabibon se nazar ki choT pahchani nahin jati

tabīboñ se nazar kī choT pahchānī nahīñ jaatī

pareshāñ haiñ ki kyoñ merī pareshānī nahīñ jaatī

kisī sūrat mirī āshufta-sāmānī nahīñ jaatī

bayābāñ bas ga.e aur ghar kī vīrānī nahīñ jaatī

fanā ke ghaaT tak ġham kī sitam-rānī nahīñ jaatī

bahī jaatī haiñ āñkheñ ashk-afshānī nahīñ jaatī

tumhārā hukm hai vo hukm jo Taalā nahīñ jaatā

hamārī baat hai vo baat jo maanī nahīñ jaatī

ḳhudā shāhid hai maiñ apnī tabāhī kā huuñ ḳhud baa.is

ab is ko kyā karūñ us kī pareshānī nahīñ jaatī

'hayāt'-e-ġham-zada ke dil kī vīrānī ko mat pūchho

huā hai aisā vīrāñ jis kī vīrānī nahīñ jaatī

tabibon se nazar ki choT pahchani nahin jati

pareshan hain ki kyon meri pareshani nahin jati

kisi surat meri aashufta-samani nahin jati

bayaban bas gae aur ghar ki virani nahin jati

fana ke ghaT tak gham ki sitam-rani nahin jati

bahi jati hain aankhen ashk-afshani nahin jati

tumhaara hukm hai wo hukm jo Tala nahin jata

hamari baat hai wo baat jo mani nahin jati

KHuda shahid hai main apni tabahi ka hun KHud bais

ab is ko kya karun us ki pareshani nahin jati

'hayat'-e-gham-zada ke dil ki virani ko mat puchho

hua hai aisa viran jis ki virani nahin jati