tabligh-e-payam ho gai hai

tablīġh-e-payām ho ga.ī hai

hujjat bhī tamām ho ga.ī hai

jab mauj-e-sabā udhar se aa.ī

tafrīh-e-mashām ho ga.ī hai

kitnī bodī hai tab-e-insāñ

aadat kī ġhulām ho ga.ī hai

ḳhvāhish ki thī aadmī ko lāzim

baḌh kar ilzām ho ga.ī hai

tamhīd-e-payām hī meñ apnī

taqrīr tamām ho ga.ī hai

bachnā ki vabā-e-sohbat-e-bad

is daur meñ aam ho ga.ī hai

halqe meñ qalandaroñ ke aa kar

tahqīq tamām ho ga.ī hai

jarga meñ loqandaroñ ke jā kar

hikmat badnām ho ga.ī hai

shīrīñ-dahanoñ kī tarz-e-guftār

maqbūl-e-anām ho ga.ī hai

bejā bhī nikal ga.ī hai jo baat

tahsīn-e-kalām ho ga.ī hai

nāmard ke haath meñ pahuñch kar

shamshīr niyām ho ga.ī hai

takfīr-e-birādarān-e-dīñ bhī

shart-e-islām ho ga.ī hai

kyā sher kaheñ ki shā.erī kī

turkī hī tamām ho ga.ī hai

tabligh-e-payam ho gai hai

hujjat bhi tamam ho gai hai

jab mauj-e-saba udhar se aai

tafrih-e-masham ho gai hai

kitni bodi hai tab-e-insan

aadat ki ghulam ho gai hai

KHwahish ki thi aadmi ko lazim

baDh kar ilzam ho gai hai

tamhid-e-payam hi mein apni

taqrir tamam ho gai hai

bachna ki waba-e-sohbat-e-bad

is daur mein aam ho gai hai

halqe mein qalandaron ke aa kar

tahqiq tamam ho gai hai

jarga mein loqandaron ke ja kar

hikmat badnam ho gai hai

shirin-dahanon ki tarz-e-guftar

maqbul-e-anam ho gai hai

beja bhi nikal gai hai jo baat

tahsin-e-kalam ho gai hai

namard ke hath mein pahunch kar

shamshir niyam ho gai hai

takfir-e-biradaran-e-din bhi

shart-e-islam ho gai hai

kya sher kahen ki shaeri ki

turki hi tamam ho gai hai