tabsira kyon kar rahe ho barha ajdad par

tabsira kyoñ kar rahe ho bārhā ajdād par

faisla hogā tumhārā aaj kī buniyād par

baat terī mil-milā kar Thiik hai naqqād par

she'r achchhā yā burā hai munhasir hai daad par

sab hifāzat kar raheñ haiñ mustaqil dīvār kī

jab ki hamla ho rahā hai mustaqil buniyād par

kaise nikloge bhalā apne gunah ke jaal se

tum ne to ilzām saarā rakh diyā sayyād par

dar-ba-dar phirnā paḌegā 'āshiqoñ ko 'umr bhar

zulm sahnā lāzmī hai vāris-e-farhād par

maañ ke pairoñ ke tale jannat kī ne'mat hai magar

baap kā saaya bhī 'ahyā' chāhiye aulād par

tabsira kyon kar rahe ho barha ajdad par

faisla hoga tumhaara aaj ki buniyaad par

baat teri mil-mila kar Thik hai naqqad par

she'r achchha ya bura hai munhasir hai dad par

sab hifazat kar rahen hain mustaqil diwar ki

jab ki hamla ho raha hai mustaqil buniyaad par

kaise nikloge bhala apne gunah ke jal se

tum ne to ilzam sara rakh diya sayyaad par

dar-ba-dar phirna paDega 'ashiqon ko 'umr bhar

zulm sahna lazmi hai waris-e-farhad par

man ke pairon ke tale jannat ki ne'mat hai magar

bap ka saya bhi 'ahya' chahiye aulad par