taDap kar shiddat-e-gham se jab un ka nam lete hain

taḌap kar shiddat-e-ġham se jab un kā naam lete haiñ

ye vahshī nabz-e-raftār-e-do-'ālam thaam lete haiñ

ham ahl-e-dil kahāñ ehsān-e-lutf-e-‘ām lete haiñ

lab-e-gulfām se kaif-e-mai-e-gulfām lete haiñ

ye goristāñ nahīñ ārām-gāh-e-ahl-e-duniyā hai

yahāñ haare thake aa kar zarā ārām lete haiñ

ham ā.īn-e-mohabbat se to begāna nahīñ lekin

jab un kā zikr aatā hai kaleja thaam lete haiñ

hadīs-e-'ishq kī tafsīr soz-e-‘ishq hai 'bismil'

ḳhudā ke naam se pahle ham un kā naam lete haiñ

taDap kar shiddat-e-gham se jab un ka nam lete hain

ye wahshi nabz-e-raftar-e-do-'alam tham lete hain

hum ahl-e-dil kahan ehsan-e-lutf-e-‘am lete hain

lab-e-gulfam se kaif-e-mai-e-gulfam lete hain

ye goristan nahin aaram-gah-e-ahl-e-duniya hai

yahan haare thake aa kar zara aaram lete hain

hum aain-e-mohabbat se to begana nahin lekin

jab un ka zikr aata hai kaleja tham lete hain

hadis-e-'ishq ki tafsir soz-e-‘ishq hai 'bismil'

KHuda ke nam se pahle hum un ka nam lete hain