taDapte dil ko kafi hai bas itna wahima rakhna

taḌapte dil ko kaafī hai bas itnā vāhima rakhnā

bichhaḌne vaalā lauTegā hamesha hausla rakhnā

chale jā.eñge ham bhī dosto duniyā-e-fānī se

faqat itnī guzārish hai duā kā silsila rakhnā

ki ham bad-baḳht logoñ meñ bas ik ye hī burā.ī hai

duā.eñ der se lagtī haiñ jaanī hausla rakhnā

tumheñ ḳhushiyāñ mubārak hoñ hamāre ġham ziyāda haiñ

tumheñ talqīn hai utnī ki ham se fāsla rakhnā

ki paanī jitnā gadlā ho bujhā detā hai ātish ko

hamāre jaisoñ se bhī yaar thoḌā vāsta rakhnā

bichhaḌ kar tum kahīñ milnā to hañs kar baat kar lenā

ba-juz is ke nahīñ koī hameñ bhī rābta rakhnā

taDapte dil ko kafi hai bas itna wahima rakhna

bichhaDne wala lauTega hamesha hausla rakhna

chale jaenge hum bhi dosto duniya-e-fani se

faqat itni guzarish hai dua ka silsila rakhna

ki hum bad-baKHt logon mein bas ek ye hi burai hai

duaen der se lagti hain jaani hausla rakhna

tumhein KHushiyan mubarak hon hamare gham ziyaada hain

tumhein talqin hai utni ki hum se fasla rakhna

ki pani jitna gadla ho bujha deta hai aatish ko

hamare jaison se bhi yar thoDa wasta rakhna

bichhaD kar tum kahin milna to hans kar baat kar lena

ba-juz is ke nahin koi hamein bhi rabta rakhna