taDapti hain tamannaen kisi aaram se pahle
taḌaptī haiñ tamannā.eñ kisī ārām se pahle
luTā hogā na yuuñ koī dil-e-nākām se pahle
ye aalam dekh kar tū ne bhī āñkheñ pher liiñ varna
koī gardish nahīñ thī gardish-e-ayyām se pahle
girā hai TuuT kar shāyad mirī taqdīr kā taarā
koī āvāz aa.ī thī shikast-e-jām se pahle
koī kaise kare dil meñ chhupe tūfāñ kā andāza
sukūt-e-marg chhāyā hai kisī kohrām se pahle
na jaane kyuuñ hameñ is dam tumhārī yaad aatī hai
jab āñkhoñ meñ chamakte haiñ sitāre shaam se pahle
sunegā jab zamāna merī barbādī ke afsāne
tumhārā naam bhī aa.egā mere naam se pahle
taDapti hain tamannaen kisi aaram se pahle
luTa hoga na yun koi dil-e-nakaam se pahle
ye aalam dekh kar tu ne bhi aankhen pher lin warna
koi gardish nahin thi gardish-e-ayyam se pahle
gira hai TuT kar shayad meri taqdir ka tara
koi aawaz aai thi shikast-e-jam se pahle
koi kaise kare dil mein chhupe tufan ka andaza
sukut-e-marg chhaya hai kisi kohram se pahle
na jaane kyun hamein is dam tumhaari yaad aati hai
jab aankhon mein chamakte hain sitare sham se pahle
sunega jab zamana meri barbaadi ke afsane
tumhaara nam bhi aaega mere nam se pahle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
