tafkir ko huruf ke sanche mein Dhaal ke

tafkīr ko hurūf ke sāñche meñ Dhaal ke

alfāz ko tū baḳhsh anāsir jamāl ke

tārīf terī eḌ ho tanqīd ho lagām

sahrā-e-fikr meñ uḌā ghoḌe ḳhayāl ke

bahr-e-hayāt meñ haiñ haqīqat ke jo sadaf

ash.ār meñ piro tū ye motī nikāl ke

hai terī jā.edād ye hurriyat-e-kalām

kar sarf is matā.a ko na rakh sambhāl ke

shīrīni-e-hayāt aur talḳhī-e-tajrabāt

hoñ zikr tere sher meñ hijr-o-visāl ke

zāhir tazād ziist ho tere kalām meñ

charche ġhinā-o-faqr atā ke vabāl ke

ho rif.at-e-ḳhayāl terī tā-falak 'anīs'

alfāz aur ma.ānī hoñ jauhar kamāl ke

tafkir ko huruf ke sanche mein Dhaal ke

alfaz ko tu baKHsh anasir jamal ke

tarif teri eD ho tanqid ho lagam

sahra-e-fikr mein uDa ghoDe KHayal ke

bahr-e-hayat mein hain haqiqat ke jo sadaf

ashaar mein piro tu ye moti nikal ke

hai teri jaedad ye hurriyat-e-kalam

kar sarf is mataa ko na rakh sambhaal ke

shirini-e-hayat aur talKHi-e-tajrabaat

hon zikr tere sher mein hijr-o-visal ke

zahir tazad zist ho tere kalam mein

charche ghina-o-faqr ata ke wabaal ke

ho rifat-e-KHayal teri ta-falak 'anis'

alfaz aur maani hon jauhar kamal ke