tah-e-badan kahin bedar hota jata hun

tah-e-badan kahīñ bedār hotā jaatā huuñ

vo paas aatā hai jitnā maiñ sotā jaatā huuñ

zamīn niklī chalī jā rahī hai hāthoñ se

maiñ āsmān-e-mohabbat meñ khotā jaatā huuñ

udhar vo mujh se gurezāñ hai mujh pe hañste hue

idhar maiñ us ke ta.āqub meñ rotā jaatā huuñ

har ek lamha banāte haiñ mujh ko haath us ke

vo kartā jaatā hai mujh ko maiñ hotā jaatā huuñ

maiñ kā.enāt kā mazdūr ashraf-e-maḳhlūq

koī bhī kaam ho ik maiñ hī jotā jaatā huuñ

badan kī ḳhaak to uḌ jā.egī havā maiñ kahīñ

magar vo peḌ raheñge jo botā jaatā huuñ

vo teġh-e-kasrat-e-ma.anī lagī taḳhallus ko

ki do do 'farhat'-o-'ehsās' hotā jaatā huuñ

tah-e-badan kahin bedar hota jata hun

wo pas aata hai jitna main sota jata hun

zamin nikli chali ja rahi hai hathon se

main aasman-e-mohabbat mein khota jata hun

udhar wo mujh se gurezan hai mujh pe hanste hue

idhar main us ke taaqub mein rota jata hun

har ek lamha banate hain mujh ko hath us ke

wo karta jata hai mujh ko main hota jata hun

main kaenat ka mazdur ashraf-e-maKHluq

koi bhi kaam ho ek main hi jota jata hun

badan ki KHak to uD jaegi hawa main kahin

magar wo peD rahenge jo bota jata hun

wo tegh-e-kasrat-e-mani lagi taKHallus ko

ki do do 'farhat'-o-'ehsas' hota jata hun