tahayyuraat ka aaina teri kam-suKHani

tahayyurāt kā ā.īna terī kam-suḳhanī

paḌī haiñ mujh ko musalsal jo āfateñ sahnī

pasīna ḳhuun thakan aable shakebā.ī

'ajīb chiiz hai yaaro mazāq-e-kohkanī

butoñ ko toḌnā sadiyoñ se jin kā īmāñ thā

shi'ār ban gayā un kā mazāq-e-dil-shikanī

hasīn jism haiñ show-case meñ sajā.e hue

ḳharīdā jaatā hai arzāñ vaqār-e-gul-badanī

'ajīb shor thā zāġh-o-zaġhan kī mahfil meñ

sadā-e-tā.ir-e-shīrīñ nahīñ kisī ne sunī

har ek samt se baunoñ ne sangsār kiyā

buland-qāmatī mere liye 'azāb banī

tahayyuraat ka aaina teri kam-suKHani

paDi hain mujh ko musalsal jo aafaten sahni

pasina KHun thakan aable shakebai

'ajib chiz hai yaro mazaq-e-kohkani

buton ko toDna sadiyon se jin ka iman tha

shi'ar ban gaya un ka mazaq-e-dil-shikani

hasin jism hain show-case mein sajae hue

KHarida jata hai arzan waqar-e-gul-badani

'ajib shor tha zagh-o-zaghan ki mahfil mein

sada-e-tair-e-shirin nahin kisi ne suni

har ek samt se baunon ne sangsar kiya

buland-qamati mere liye 'azab bani