Tahni Tahni se KHun jari hai

Tahnī Tahnī se ḳhuun jaarī hai

ham ne aise ḳhizāñ guzārī hai

aisā lagtā hai niilī jhīloñ kī

terī āñkhoñ se rishta-dārī hai

maiñ huuñ shāgird is liye us kā

ishq sab se baḌā madārī hai

ḳhvāb dekhā ki ik shajar huuñ maiñ

aur tire haath meñ ik aarī hai

merī tasvīr kī taraf dekho

jis ne ro ro ke shab guzārī hai

ek chāñTā paḌā to jānoge

vaqt kā haath kitnā bhārī hai

ruuh ko de ke niiñd kī golī

sair us ke badan kī jaarī hai

maiñ zarā paanī pī ke aatā huuñ

tirī qurbat bahut karārī hai

har shikārī kī taak meñ beTe

koī us se baḌā shikārī hai

kaam ab vo charāġh kar rahe haiñ

jo havāoñ kī zimmedārī hai

ik dhamāka huā hai cinema meñ

mar ga.e log film jaarī hai

jaun sāhib mire muāmle meñ

hijr meñ bhī visāl taarī hai

jā rahe haiñ ḳhudā se milne ham

ye zamīñ to bas ik savārī hai

dil hai terī judā.ī meñ jaise

koī haarā huā juārī hai

maar Daalā hai ek kamsin ne

hoñT halke haiñ bosa bhārī hai

aam hone lagā hai thoḌā bahut

jo mirā dīn-e-tāza-kārī hai

‘alī-armān' ko sañbhāl ke rakh

ye tirā āḳhirī pujārī hai

Tahni Tahni se KHun jari hai

hum ne aise KHizan guzari hai

aisa lagta hai nili jhilon ki

teri aankhon se rishta-dari hai

main hun shagird is liye us ka

ishq sab se baDa madari hai

KHwab dekha ki ek shajar hun main

aur tere hath mein ek aari hai

meri taswir ki taraf dekho

jis ne ro ro ke shab guzari hai

ek chanTa paDa to jaanoge

waqt ka hath kitna bhaari hai

ruh ko de ke nind ki goli

sair us ke badan ki jari hai

main zara pani pi ke aata hun

teri qurbat bahut karari hai

har shikari ki tak mein beTe

koi us se baDa shikari hai

kaam ab wo charagh kar rahe hain

jo hawaon ki zimmedari hai

ek dhamaka hua hai cinema mein

mar gae log film jari hai

jaun sahib mere muamle mein

hijr mein bhi visal tari hai

ja rahe hain KHuda se milne hum

ye zamin to bas ek sawari hai

dil hai teri judai mein jaise

koi haara hua juari hai

mar Dala hai ek kamsin ne

honT halke hain bosa bhaari hai

aam hone laga hai thoDa bahut

jo mera din-e-taza-kari hai

‘ali-arman' ko sanbhaal ke rakh

ye tera aaKHiri pujari hai