طے ہے اب راہ محبت سے گزرنا میرا

طے ہے اب راہ محبت سے گزرنا میرا

پھر اسی راہ میں خوشبو سا بکھرنا میرا

اب بھی زندہ ہیں کہیں مجھ میں وہ پہلی سی میں

ہو تری بات تو دھیمے سے مکرنا میرا

تھا یقیں دل کو تم آؤ گے منانے مجھ کو

پھر وہ ہر غم پہ رکنا وہ ٹھہرنا میرا

کیفیت ہے یہ عجب سی ہے عجب سا عالم

بس تمہیں سوچ کے ہر پل ہے سنورنا میرا

اب کوئی خوف نہیں اس سے بچھڑ جانے کا

کتنی حیرت سے وہ دیکھے ہے نہ ڈرنا میرا

کیا یہ وحشت ہے جنوں ہے کہ فسوں ہے کیا ہے

چاہنا ٹوٹ کے پھر یوں ہی بپھرنا میرا