tai kar chuke ye zindagi-e-jawedan se hum

tai kar chuke ye zindagi-e-jāvedāñ se ham

aage baḌheñge aur uThe haiñ jahāñ se ham

kis ko sadā deñ kis se kaheñ saath le chalo

pīchhe rahe ġhubār-e-rah-e-kārvāñ se ham

dil meñ jo dard hai vo nigāhoñ se hai ayaañ

ye baat aur hai na kaheñ kuchh zabāñ se ham

chauñkā diyā qafas ne hameñ gahrī niind se

vābasta ho chale the bahut āshiyāñ se ham

gar aa bhī jaa.e merī jabīñ tak vo āstāñ

lā.eñge sajda-rezī kī aadat kahāñ se ham

faiz-e-junūñ se fursat-e-fariyād hī na thī

nā-āshnā hī rah ga.e tarz-e-fuġhāñ se ham

dekhī haiñ ham ne un kī pashīmāñ-nigāhiyāñ

kahnā ho laakh phir bhī kaheñ kis zabāñ se ham

tai kar chuke ye zindagi-e-jawedan se hum

aage baDhenge aur uThe hain jahan se hum

kis ko sada den kis se kahen sath le chalo

pichhe rahe ghubar-e-rah-e-karwan se hum

dil mein jo dard hai wo nigahon se hai ayan

ye baat aur hai na kahen kuchh zaban se hum

chaunka diya qafas ne hamein gahri nind se

wabasta ho chale the bahut aashiyan se hum

gar aa bhi jae meri jabin tak wo aastan

laenge sajda-rezi ki aadat kahan se hum

faiz-e-junun se fursat-e-fariyaad hi na thi

na-ashna hi rah gae tarz-e-fughan se hum

dekhi hain hum ne un ki pashiman-nigahiyan

kahna ho lakh phir bhi kahen kis zaban se hum