kahe jate hain wo aisa nahin hai
kahe jaate haiñ vo aisā nahīñ hai
sukūñ dil ko magar hotā nahīñ hai
nahīñ aisā na thā vaisā nahīñ hai
bahāna par koī achchhā nahīñ hai
har ik ke mas.ale haiñ is jahāñ meñ
tumhārā mas.ala anqā nahīñ hai
ba-juz tiflī javānī aur piirī
yahāñ rasta koī chauthā nahīñ hai
tire chehre kī ye jo tamkanat hai
pareshāñ dil hai ye gahnā nahīñ hai
ghaTā āñkhoñ ke nīche ghul rahī hai
thakan se husn bhī bachtā nahīñ hai
na hairāñ ho jo paanī ghar meñ utre
ba-juz pastī ke ye bahtā nahīñ hai
kahe jate hain wo aisa nahin hai
sukun dil ko magar hota nahin hai
nahin aisa na tha waisa nahin hai
bahana par koi achchha nahin hai
har ek ke masale hain is jahan mein
tumhaara masala anqa nahin hai
ba-juz tifli jawani aur piri
yahan rasta koi chautha nahin hai
tere chehre ki ye jo tamkanat hai
pareshan dil hai ye gahna nahin hai
ghaTa aankhon ke niche ghul rahi hai
thakan se husn bhi bachta nahin hai
na hairan ho jo pani ghar mein utre
ba-juz pasti ke ye bahta nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
