tajribe kijiye mazid nae

tajribe kījiye mazīd na.e

ho bhī sakte haiñ ġham mufīd na.e

āñsuoñ kī ġhizā muhayyā kar

zaḳhm duniyā se kuchh ḳharīd na.e

qais kī saf meñ ham ko shāmil kar

ishq ham haiñ tire murīd na.e

end picture yahāñ pe thoḌī hai

aur abhī ā.eñge yazīd na.e

kaun rishte bahāl kartā hai

raaz ifshā karegī iid na.e

raat hone do phir batā.eñge

zaḳhm kis darja haiñ shadīd na.e

tajribe kijiye mazid nae

ho bhi sakte hain gham mufid nae

aansuon ki ghiza muhayya kar

zaKHm duniya se kuchh KHarid nae

qais ki saf mein hum ko shamil kar

ishq hum hain tere murid nae

end picture yahan pe thoDi hai

aur abhi aaenge yazid nae

kaun rishte bahaal karta hai

raaz ifsha karegi id nae

raat hone do phir bataenge

zaKHm kis darja hain shadid nae