taKHatub hai tujhse KHayal aur ka hai
taḳhātub hai tujh se ḳhayāl aur kā hai
ye nukta vafā meñ baḌe ġhaur kā hai
vo ḳhalvat meñ kuchh aur jalvat meñ kuchh hai
karam us kā mujh par ajab taur kā hai
mirā chehra bhī merā chehra nahīñ hai
ye ehsān mujh par mire daur kā hai
ye nafrat mohabbat kā radd-e-amal hai
ki mujh se taqāzā tire jaur kā hai
na.e daur kī ibtidā kā hai zāmin
ki dil aa.ina gosha-e-saur kā hai
karachi meñ bhī mo'atabar ho rahā hai
suḳhan meñ jo andāz lahore kā hai
taKHatub hai tujh se KHayal aur ka hai
ye nukta wafa mein baDe ghaur ka hai
wo KHalwat mein kuchh aur jalwat mein kuchh hai
karam us ka mujh par ajab taur ka hai
mera chehra bhi mera chehra nahin hai
ye ehsan mujh par mere daur ka hai
ye nafrat mohabbat ka radd-e-amal hai
ki mujh se taqaza tere jaur ka hai
nae daur ki ibtida ka hai zamin
ki dil aaina gosha-e-saur ka hai
karachi mein bhi mo'atabar ho raha hai
suKHan mein jo andaz lahore ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
