taKHt chaha na kabhi masnad-e-shahi chahi

taḳht chāhā na kabhī masnad-e-shāhī chāhī

ham ne zālim se faqat ḳhair-nigāhī chāhī

daar kā ḳhauf nahīñ phir bhī zamīñ vāloñ se

jo sadāqat pe ho mabnī vo gavāhī chāhī

jhuuT ke bal pe koī vaqt kā farzand huā

ham ne sach bol ki bas apnī tabāhī chāhī

ishq kī rah meñ zafar-yābī kī hasrat le kar

ham ne har daur meñ tā.īd-e-ilāhī chāhī

kyā kabhī tum se mohabbat nahīñ chāhī ham ne

us kī āvāz ye aa.ī ki haañ chāhī chāhī

jang laḌte rahe dar-pesh masā.il se 'shafīq'

ham ne duniyā se kahāñ pusht-panāhī chāhī

taKHt chaha na kabhi masnad-e-shahi chahi

hum ne zalim se faqat KHair-nigahi chahi

dar ka KHauf nahin phir bhi zamin walon se

jo sadaqat pe ho mabni wo gawahi chahi

jhuT ke bal pe koi waqt ka farzand hua

hum ne sach bol ki bas apni tabahi chahi

ishq ki rah mein zafar-yabi ki hasrat le kar

hum ne har daur mein taid-e-ilahi chahi

kya kabhi tum se mohabbat nahin chahi hum ne

us ki aawaz ye aai ki han chahi chahi

jang laDte rahe dar-pesh masail se 'shafiq'

hum ne duniya se kahan pusht-panahi chahi