taKHt-o-taj aur na kuchh mal-o-zar chahiye

taḳht-o-tāj aur na kuchh māl-o-zar chāhiye

mujh ko to sirf us kī ḳhabar chāhiye

dhuup āñgan se jaatī nahīñ hai kabhī

saa.e ke vāste ik shajar chāhiye

dar-ba-dar Thokareñ khā ke aaya huuñ maiñ

mere sar ko tirā sang-e-dar chāhiye

toḌ de jo qafas kī sabhī tīliyāñ

mujh ko vo quvvat-e-bāl-o-par chāhiye

jin kī rāteñ guzartī haiñ zer-e-falak

un ko bhī shahr meñ koī ghar chāhiye

naqsh-e-ġham jo miTā de dil-e-zār kā

'dāġh' ko vo karam kī nazar chāhiye

taKHt-o-taj aur na kuchh mal-o-zar chahiye

mujh ko to sirf us ki KHabar chahiye

dhup aangan se jati nahin hai kabhi

sae ke waste ek shajar chahiye

dar-ba-dar Thokaren kha ke aaya hun main

mere sar ko tera sang-e-dar chahiye

toD de jo qafas ki sabhi tiliyan

mujh ko wo quwwat-e-baal-o-par chahiye

jin ki raaten guzarti hain zer-e-falak

un ko bhi shahr mein koi ghar chahiye

naqsh-e-gham jo miTa de dil-e-zar ka

'dagh' ko wo karam ki nazar chahiye