taKHta-e-mashq-e-sitam mujhko banane wala

taḳhta-e-mashq-e-sitam mujh ko banāne vaalā

thā vahī roz mire ḳhvāb meñ aane vaalā

muntashir kar diyā shīrāza-e-hastī jis ne

ḳhāna-e-dil ko mire thā vo sajāne vaalā

roz kartā rahā vo vāda-e-fardā mujh se

umr bhar ahd-e-vafā thā jo nibhāne vaalā

us ne mañjdhār meñ kashtī ko mirī chhoḌ diyā

thā jo tūfān-e-havādis se bachāne vaalā

pahle kartā thā pas-e-parda mirī beḳh-kunī

kāmyābī kā mirī jashn manāne vaalā

sābiqa jis se paḌā maslahat-andesh thā vo

''dost hotā nahīñ har haath milāne vālā''

maar Daale na ye tanhā.ī kā ehsās mujhe

muntazir jis kā thā ab vo nahīñ aane vaalā

jis se dil-jūī kī ummīd thī niklā vo raqīb

jis ko dekho hai vahī mujh ko satāne vaalā

aish-o-ishrat ke sadā ḳhvāb dikhātā thā use

ġhamza-o-nāz se 'barqī' ko lubhāne vaalā

taKHta-e-mashq-e-sitam mujh ko banane wala

tha wahi roz mere KHwab mein aane wala

muntashir kar diya shiraaza-e-hasti jis ne

KHana-e-dil ko mere tha wo sajaane wala

roz karta raha wo wada-e-farda mujh se

umr bhar ahd-e-wafa tha jo nibhane wala

us ne manjdhaar mein kashti ko meri chhoD diya

tha jo tufan-e-hawadis se bachane wala

pahle karta tha pas-e-parda meri beKH-kuni

kaamyabi ka meri jashn manane wala

sabiqa jis se paDa maslahat-andesh tha wo

dost hota nahin har hath milane wala

mar Dale na ye tanhai ka ehsas mujhe

muntazir jis ka tha ab wo nahin aane wala

jis se dil-jui ki ummid thi nikla wo raqib

jis ko dekho hai wahi mujh ko satane wala

aish-o-ishrat ke sada KHwab dikhata tha use

ghamza-o-naz se 'barqi' ko lubhane wala