takmil-e-arzu ki tamanna karenge hum

takmīl-e-ārzū kī tamanna kareñge ham

ḳhud apne jazb-e-shauq ko rusvā kareñge ham

dard-e-jigar kā aaj mudāvā kareñge ham

qismat hamārī so.egī jaagā kareñge ham

gum-karda rāh-e-dasht-e-junūñ meñ na ho koī

ab apne naqsh-e-pā ko miTāyā kareñge ham

maanā ki rāh-e-ishq meñ hai naqs-e-ābrū

kis ne kahā ki tark-e-tamannā kareñge ham

aisā bhī koī hogā zamāne meñ inqalāb

jab aañkh bhar ke aap ko dekhā kareñge ham

baada to vo bhī piitā hai lekin ba-qaid-e-hosh

'manzar' ko chashm-e-ḳhalq meñ rusvā kareñge ham

takmil-e-arzu ki tamanna karenge hum

KHud apne jazb-e-shauq ko ruswa karenge hum

dard-e-jigar ka aaj mudawa karenge hum

qismat hamari soegi jaga karenge hum

gum-karda rah-e-dasht-e-junun mein na ho koi

ab apne naqsh-e-pa ko miTaya karenge hum

mana ki rah-e-ishq mein hai naqs-e-abru

kis ne kaha ki tark-e-tamanna karenge hum

aisa bhi koi hoga zamane mein inqalab

jab aankh bhar ke aap ko dekha karenge hum

baada to wo bhi pita hai lekin ba-qaid-e-hosh

'manzar' ko chashm-e-KHalq mein ruswa karenge hum