talash-e-yar mein har moD se guzarte hue

talāsh-e-yār meñ har moḌ se guzarte hue

mile haiñ log mujhe TūTte bikharte hue

kabhī to aa ke mire dil ko de tasallī bhī

zamāna biit gayā intizār karte hue

havā.eñ buġhz-o-kudūrat kī chal rahī hoñ jahāñ

basāo pyaar kā gulshan vahāñ pe Darte hue

ye soch kar koī ahd-o-vafā karo mujhe se

ki jaan deñge rah-e-shauq se guzarte hue

tarāsh hone lagā bāġhbāñ bahāroñ se

chaman ke phuul nazar aa.e jo bikharte hue

ye maanā kāvisheñ qismat sañvār detī haiñ

zamāna chāhiye taqdīr ko sañvarte hue

tumhārī bazm meñ aa.egā 'āshnā' ik din

hujūm-e-yās kī chādar ko chaak karte hue

talash-e-yar mein har moD se guzarte hue

mile hain log mujhe TuTte bikharte hue

kabhi to aa ke mere dil ko de tasalli bhi

zamana bit gaya intizar karte hue

hawaen bughz-o-kudurat ki chal rahi hon jahan

basao pyar ka gulshan wahan pe Darte hue

ye soch kar koi ahd-o-wafa karo mujhe se

ki jaan denge rah-e-shauq se guzarte hue

tarash hone laga baghban bahaaron se

chaman ke phul nazar aae jo bikharte hue

ye mana kawishen qismat sanwar deti hain

zamana chahiye taqdir ko sanwarte hue

tumhaari bazm mein aaega 'ashna' ek din

hujum-e-yas ki chadar ko chaak karte hue