talash-e-yar mein nikle to yaad ghar na raha

talāsh-e-yār meñ nikle to yaad ghar na rahā

vo shauq-e-dīd ki andāza-e-safar na rahā

huiiñ bashārateñ hijrat kī jab parindoñ ko

to un ke dil meñ badaltī rutoñ kā Dar na rahā

sitam-zarīfī-e-tahzīb-e-nau tire qurbāñ

koī bhī shaḳhs zamāne meñ mo'atabar na rahā

falak se utregā ham par tamāzatoñ kā azaab

agar zamīñ pe kahīñ sāya-e-shajar na rahā

unhīñ ke paas haiñ ab bhī vasā.il-e-ta.amīr

jinheñ salīqa-e-taz.īn-e-bām-o-dar na rahā

'asad' kā aur zamāna thā ab to majnūñ par

kisī ne sang uThāyā to yaad sar na rahā

usī ḳhudā se hai ummīd-e-maġhfirat ai 'soz'

ki jis kā ḳhauf tire dil meñ umr bhar na rahā

talash-e-yar mein nikle to yaad ghar na raha

wo shauq-e-did ki andaza-e-safar na raha

huin bashaaraten hijrat ki jab parindon ko

to un ke dil mein badalti ruton ka Dar na raha

sitam-zarifi-e-tahzib-e-nau tere qurban

koi bhi shaKHs zamane mein mo'atabar na raha

falak se utrega hum par tamazaton ka azab

agar zamin pe kahin saya-e-shajar na raha

unhin ke pas hain ab bhi wasail-e-tamir

jinhen saliqa-e-tazin-e-baam-o-dar na raha

'asad' ka aur zamana tha ab to majnun par

kisi ne sang uThaya to yaad sar na raha

usi KHuda se hai ummid-e-maghfirat ai 'soz'

ki jis ka KHauf tere dil mein umr bhar na raha