talKH shikwe lab-e-shirin se maza dete hain

talḳh shikve lab-e-shīrīñ se mazā dete haiñ

ghol kar shahd meñ vo zahr pilā dete haiñ

yuuñ to hote haiñ mohabbat meñ junūñ ke āsār

aur kuchh log bhī dīvāna banā dete haiñ

parda uTThe ki na uTThe magar ai parda-nashīñ

aaj ham rasm-e-takalluf ko uThā dete haiñ

aate jaate nahīñ kambaḳht payāmī un tak

jhūTe sachche yūñhī paiġhām sunā dete haiñ

vaa.e taqdīr ki vo ḳhat mujhe likh likh ke 'zahīr'

merī taqdīr ke likkhe ko miTā dete haiñ

talKH shikwe lab-e-shirin se maza dete hain

ghol kar shahd mein wo zahr pila dete hain

yun to hote hain mohabbat mein junun ke aasar

aur kuchh log bhi diwana bana dete hain

parda uTThe ki na uTThe magar ai parda-nashin

aaj hum rasm-e-takalluf ko uTha dete hain

aate jate nahin kambaKHt payami un tak

jhuTe sachche yunhi paigham suna dete hain

wae taqdir ki wo KHat mujhe likh likh ke 'zahir'

meri taqdir ke likkhe ko miTa dete hain