تلخیٔ زہر ابھی شامل جاں رہنے دے

تلخیٔ زہر ابھی شامل جاں رہنے دے

مجھ پہ جو گزری ہے کچھ اس کا نشاں رہنے دے

یہ بجھے جام یہ روئی ہوئی شمعیں نہ ہٹا

چند گھڑیاں خلش عیش گراں رہنے دے

دیکھ اجڑے ہوئے منظر ابھی دل سوز نہیں

اور کچھ روز یوں ہی رنگ خزاں رہنے دے

کچھ تو روشن ہوں مرے جسم کی تاریک رگیں

موجۂ خوں پہ کوئی شمع رواں رہنے دے

وہ ترے درد کی گہرائی کہیں دیکھ نہ لے

نوحۂ زخم کو محروم زباں رہنے دے

چند گمنام سی یادوں کی مہک ہے دل میں

اس خرابے میں یہ گلہائے خزاں رہنے دے