talKHiyan isMein bahut kuchh hain maza kuchh bhi nahin

Kaleem Aajiz

talKHiyan isMein bahut kuchh hain maza kuchh bhi nahin

Kaleem Aajiz

MORE BYKaleem Aajiz

    talḳhiyāñ is meñ bahut kuchh haiñ mazā kuchh bhī nahīñ

    zindagī dard-e-mohabbat ke sivā kuchh bhī nahīñ

    sham.a ḳhāmosh bhī rahte hue ḳhāmosh kahāñ

    is tarah kah diyā sab kuchh ki kahā kuchh bhī nahīñ

    ham gadāyān-e-mohabbat yahī sab kuchh hai

    garche duniyā yahī kahtī hai vafā kuchh bhī nahīñ

    ye nayā tarz-e-karam hai tirā ai fasl-e-bahār

    le liyā paas meñ jo kuchh thā diyā kuchh bhī nahīñ

    ham ko ma.alūm na thā pahle ye ā.īn-e-jahāñ

    us ko dete haiñ sazā jis ḳhatā kuchh bhī nahīñ

    vahī aaheñ vahī aañsū ke do qatre 'ājiz'

    kyā tirī shā.irī meñ in ke sivā kuchh bhī nahīñ

    talKHiyan is mein bahut kuchh hain maza kuchh bhi nahin

    zindagi dard-e-mohabbat ke siwa kuchh bhi nahin

    shama KHamosh bhi rahte hue KHamosh kahan

    is tarah kah diya sab kuchh ki kaha kuchh bhi nahin

    hum gadayan-e-mohabbat ka yahi sab kuchh hai

    garche duniya yahi kahti hai wafa kuchh bhi nahin

    ye naya tarz-e-karam hai tera ai fasl-e-bahaar

    le liya pas mein jo kuchh tha diya kuchh bhi nahin

    hum ko malum na tha pahle ye aain-e-jahan

    us ko dete hain saza jis ki KHata kuchh bhi nahin

    wahi aahen wahi aansu ke do qatre 'ajiz'

    kya teri shairi mein in ke siwa kuchh bhi nahin

    Source :
    • Book : Jab Fasl-e-baharn aai thi (Pg. 172)
    • Author : padm Shri Dr. Kaleem Ahmed Aajiz
    • Publication : Sunrise Plastic Works, Patna (1990)
    • Edition : 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now