tamam aalam-e-imkan mere guman mein hai

tamām ālam-e-imkāñ mire gumān meñ hai

vo tiir huuñ jo abhī vaqt kī kamān meñ hai

abhī vo sub.h nahīñ hai ki merā kashf khule

vo harf-e-shām huuñ jo ajnabī zabān meñ hai

in āñganoñ meñ haiñ barsoñ se ek se din raat

yahī rukā huā lamha har ik makān meñ hai

ye aks-e-āb hai yā is kā dāman-e-rañgīñ

ajiib tarah kī surḳhī sī bādbān meñ hai

jahāñ dalīl ko patthar se toḌnā Thahre

vo shahr-e-sañg-dilāñ saḳht imtihān meñ hai

mujhe adū kī baqā bhī aziiz hai 'akbar'

ki ek phuul sī dīvār darmiyān meñ hai

tamam aalam-e-imkan mere guman mein hai

wo tir hun jo abhi waqt ki kaman mein hai

abhi wo subh nahin hai ki mera kashf khule

wo harf-e-sham hun jo ajnabi zaban mein hai

in aanganon mein hain barson se ek se din raat

yahi ruka hua lamha har ek makan mein hai

ye aks-e-ab hai ya is ka daman-e-rangin

ajib tarah ki surKHi si baadban mein hai

jahan dalil ko patthar se toDna Thahre

wo shahr-e-sang-dilan saKHt imtihan mein hai

mujhe adu ki baqa bhi aziz hai 'akbar'

ki ek phul si diwar darmiyan mein hai