tamam ajnabi chehre saje hain chaaron taraf
tamām ajnabī chehre saje haiñ chāroñ taraf
mirī bahisht meñ kāñTe uge haiñ chāroñ taraf
lahū meñ Duube hue dā.ere haiñ chāroñ taraf
maiñ kaise jā.ūñ kahīñ hādse haiñ chāroñ taraf
kitāb dard kī paḌh kar sunā rahī hai hayāt
aur āñsuoñ ke farishte khaḌe haiñ chāroñ taraf
chalo ye ḳhuub huā aa.ina jo TuuT gayā
ab 'aks mere hī bikhre hue haiñ chāroñ taraf
tirā ḳhayāl jab aayā dukhoñ ke sahrā meñ
mujhe kuchh aisā lagā gul khile haiñ chāroñ taraf
kabhī nadī ke badan par kabhī fazāoñ meñ
havā ne mere qasīde likhe haiñ chāroñ taraf
na merī āñkhoñ meñ nīñdeñ na ḳhvāb kī pariyāñ
firāq azal se yahāñ ratjage haiñ chāroñ taraf
tamam ajnabi chehre saje hain chaaron taraf
meri bahisht mein kanTe uge hain chaaron taraf
lahu mein Dube hue daere hain chaaron taraf
main kaise jaun kahin hadse hain chaaron taraf
kitab dard ki paDh kar suna rahi hai hayat
aur aansuon ke farishte khaDe hain chaaron taraf
chalo ye KHub hua aaina jo TuT gaya
ab 'aks mere hi bikhre hue hain chaaron taraf
tera KHayal jab aaya dukhon ke sahra mein
mujhe kuchh aisa laga gul khile hain chaaron taraf
kabhi nadi ke badan par kabhi fazaon mein
hawa ne mere qaside likhe hain chaaron taraf
na meri aankhon mein ninden na KHwab ki pariyan
firaq azal se yahan ratjage hain chaaron taraf
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
