tamam ranaiyan sameTe nazar nazar mein samae jaana

tamām ra.anā.iyāñ sameTe nazar nazar meñ samā.e jaanā

ye un ke jalvoñ kā mo.ajiza hai har ek manzar meñ paa.e jaanā

havāoñ kā kaam aur kyā hai bujhā.e jaanā bujhā.e jaanā

yahī mirā farz-e-mansabī hai charāġh-e-paiham jalā.e jaanā

usūl-e-rāh-e-vafā yahī hai yahī taqāzā hai rah-ravī kā

ravish ravish ġham uThā.e jaanā qadam qadam muskurā.e jaanā

mile na jab tak koī ishāra qadam hī uThtā nahīñ hamārā

zamīr kartā nahīñ gavārā kisī ke ghar bin bulā.e jaanā

yahī mohabbat kī ibtidā thī yahī mohabbat kī intihā thī

vo un kī bāteñ banā.e jaanā hamārā bātoñ meñ aa.e jaanā

nigāh-e-sad-iltifāt samjhūñ ki maz.haka-ḳhez baat samjhūñ

vo lauh-e-dil par 'ufuq' barārī kā naam likh kar miTā.e jaanā

tamam ranaiyan sameTe nazar nazar mein samae jaana

ye un ke jalwon ka moajiza hai har ek manzar mein pae jaana

hawaon ka kaam aur kya hai bujhae jaana bujhae jaana

yahi mera farz-e-mansabi hai charagh-e-paiham jalae jaana

usul-e-rah-e-wafa yahi hai yahi taqaza hai rah-rawi ka

rawish rawish gham uThae jaana qadam qadam muskurae jaana

mile na jab tak koi ishaara qadam hi uThta nahin hamara

zamir karta nahin gawara kisi ke ghar bin bulae jaana

yahi mohabbat ki ibtida thi yahi mohabbat ki intiha thi

wo un ki baaten banae jaana hamara baaton mein aae jaana

nigah-e-sad-iltifat samjhun ki mazhaka-KHez baat samjhun

wo lauh-e-dil par 'ufuq' barari ka nam likh kar miTae jaana