tamam rasta wo mujhse dur dur raha

tamām rāsta vo mujh se duur duur rahā

bahut qarīb se ya.anī vo mujh ko jāntā thā

vo ek chīḳh ki ek ik makāñ ko chiir ga.ī

ḳhamosh shahr kī nazroñ meñ sirf malba thā

bharā bharā sā jo kal thā vo aaj ḳhālī hai

ki ek raat meñ āñgan kā peḌ suukh gayā

ḳhamosh baiThe haiñ manzil pe sar jhukā.e hue

ki jhūTā sachchā kahīñ koī hādisa na huā

safar kī raah chuneñ bhī to kyā chuneñ 'ābid'

ik aañkh meñ hai samundar ik aañkh meñ sahrā

tamam rasta wo mujh se dur dur raha

bahut qarib se yani wo mujh ko jaanta tha

wo ek chiKH ki ek ek makan ko chir gai

KHamosh shahr ki nazron mein sirf malba tha

bhara bhara sa jo kal tha wo aaj KHali hai

ki ek raat mein aangan ka peD sukh gaya

KHamosh baiThe hain manzil pe sar jhukae hue

ki jhuTa sachcha kahin koi hadisa na hua

safar ki rah chunen bhi to kya chunen 'abid'

ek aankh mein hai samundar ek aankh mein sahra