tamam raat isi fikr mein guzar jae

tamām raat isī fikr meñ guzar jaa.e

koī to sub.h mirī zindagī sañvar jaa.e

vo apne bachchoñ ko kyā achchhī tarbiyat degā

jo der raat ga.e mahfiloñ se ghar jaa.e

ḳhayāl itnā rahe ret sā ḳhayāl na ho

badalte vaqt kī āñdhī meñ jo bikhar jaa.e

usī pe aañkh bichhā.e hue maiñ baiThā huuñ

tumhārī jānib-e-manzil jo rahguzar jaa.e

vo kaun thā mirā dāman bhigo gayā hai jo

vo kis kī yaad hai jo be-qarār kar jaa.e

kabhī umiid kā dāman na chhoḌnā 'āzar'

jo aas TuuTī to insān samjho mar jaa.e

tamam raat isi fikr mein guzar jae

koi to subh meri zindagi sanwar jae

wo apne bachchon ko kya achchhi tarbiyat dega

jo der raat gae mahfilon se ghar jae

KHayal itna rahe ret sa KHayal na ho

badalte waqt ki aandhi mein jo bikhar jae

usi pe aankh bichhae hue main baiTha hun

tumhaari jaanib-e-manzil jo rahguzar jae

wo kaun tha mera daman bhigo gaya hai jo

wo kis ki yaad hai jo be-qarar kar jae

kabhi umid ka daman na chhoDna 'azar'

jo aas TuTi to insan samjho mar jae