تمام شہر کو جو سچ ہے وہ بتاؤں گا

تمام شہر کو جو سچ ہے وہ بتاؤں گا

پھر اس کی جتنی بھی قیمت ہوئی چکاؤں گا

میں ہجر والوں کا اک قافلہ بناؤں گا

تمہارے بعد بھی جی کر تمہیں دکھاؤں گا

جنہوں نے مل کے مرے ہاتھ کاٹ ڈالے ہیں

انہیں یہ ڈر تھا کہ میں آئنہ بناؤں گا

یہ پہلا عشق بھلانا کٹھن تو ہے لیکن

کبھی تو آنا تجھے میں دعا سکھاؤں گا

تمہاری جیت کو بس دیکھنے کی خواہش ہے

سو حق پہ ہو کے بھی آخر میں ہار جاؤں گا

اس ایک بات میں کتنی بڑی اذیت تھی

جب اس نے اتنا کہا سوچ کر بتاؤں گا

اسی سبب سے میں لوگوں سے اب نہیں ملتا

صغیرؔ اس نے کہا تھا گلے لگاؤں گا