tamam umr ka dukh tha waba ke mausam mein

tamām umr kā dukh thā vabā ke mausam meñ

maiñ is liye bhī thā royā vabā ke mausam meñ

kal āsmān jo chīḳhā vabā ke mausam meñ

sabhī ne rāsta badlā vabā ke mausam meñ

sisaktī pyaas zamīñ-burd ho ga.ī aise

ki dariyā ro paḌā saarā vabā ke mausam meñ

tumhārī aañkh kī afsurdagī se TuuT gayā

jo ek sapnā banā thā vabā ke mausam meñ

mirī ḳhatāoñ ko mālik mirā muaaf kare

duā ko haath uThāyā vabā ke mausam meñ

na imtihān pe ab imtihān le maulā

ki sajda-rez hai duniyā vabā ke mausam meñ

ujālā nuur kā phailā hai āsmānoñ par

zamīñ kā rang bhī badlā vabā ke mausam meñ

shajar ne oḌh liyā hai ġhilāf-e-barg-e-nau

ki barg-e-ḳhushk hai tanhā vabā ke mausam meñ

maiñ ḳhālī haath tirī bārgah meñ aa pahuñchā

karam ho mujh pe ḳhudāyā vabā ke mausam meñ

mirī navā meñ tū mat DhūñD muflisī kā aks

hisāb sab kā hai apnā vabā ke mausam meñ

hamāre milne pe qadġhan lagī thī varna maiñ

mohabbatoñ ko bhī paatā vabā ke mausam meñ

bas āsmān-o-zamīñ par ḳhudā kā charchā hai

har ik taraf use dekhā vabā ke mausam meñ

usī ko oḌh ke baiThā huuñ apne hujre meñ

yahī qabā-e-darīda vabā ke mausam meñ

zamīñ pe bojh thā 'tāhir' mire gunāhoñ kā

maiñ apnā dard na likhtā vabā ke mausam meñ

tamam umr ka dukh tha waba ke mausam mein

main is liye bhi tha roya waba ke mausam mein

kal aasman jo chiKHa waba ke mausam mein

sabhi ne rasta badla waba ke mausam mein

sisakti pyas zamin-burd ho gai aise

ki dariya ro paDa sara waba ke mausam mein

tumhaari aankh ki afsurdagi se TuT gaya

jo ek sapna bana tha waba ke mausam mein

meri KHataon ko malik mera muaf kare

dua ko hath uThaya waba ke mausam mein

na imtihan pe ab imtihan le maula

ki sajda-rez hai duniya waba ke mausam mein

ujala nur ka phaila hai aasmanon par

zamin ka rang bhi badla waba ke mausam mein

shajar ne oDh liya hai ghilaf-e-barg-e-nau

ki barg-e-KHushk hai tanha waba ke mausam mein

main KHali hath teri bargah mein aa pahuncha

karam ho mujh pe KHudaya waba ke mausam mein

meri nawa mein tu mat DhunD muflisi ka aks

hisab sab ka hai apna waba ke mausam mein

hamare milne pe qadghan lagi thi warna main

mohabbaton ko bhi pata waba ke mausam mein

bas aasman-o-zamin par KHuda ka charcha hai

har ek taraf use dekha waba ke mausam mein

usi ko oDh ke baiTha hun apne hujre mein

yahi qaba-e-darida waba ke mausam mein

zamin pe bojh tha 'tahir' mere gunahon ka

main apna dard na likhta waba ke mausam mein