tamam umr kiya humne intizar-e-sahar

tamām umr kiyā ham ne intizār-e-sahar

sahar huī bhī to aayā na e'tibār-e-sahar

bhaTak rahā hai kahāñ kārvān-e-dīda-o-dil

na ye dayār-e-shab-e-ġham na ye diyār-e-sahar

sambhal sambhal ke chale kārvān-e-lāla-o-gul

ye rahguzār-e-sahar hai ye rahguzār-e-sahar

kisī ke husn-e-tabassum kī ik karan chhū kar

guloñ ko baḳhsh diyā ham ne iḳhtiyār-e-sahar

tirā ḳhayāl na aa.e tirā ḳhayāl aa.e

yahī ḳhizāñ hai sahar kī yahī bahār-e-sahar

abhī to phuul khile haiñ zarā mahakne do

abhī se kaise utar jā.egā ḳhumār-e-sahar

shab-e-firāq kā har lamha hai hasīñ 'nashtar'

na aañkh meñ koī aañsū na intizār-e-sahar

tamam umr kiya hum ne intizar-e-sahar

sahar hui bhi to aaya na e'tibar-e-sahar

bhaTak raha hai kahan karwan-e-dida-o-dil

na ye dayar-e-shab-e-gham na ye diyar-e-sahar

sambhal sambhal ke chale karwan-e-lala-o-gul

ye rahguzar-e-sahar hai ye rahguzar-e-sahar

kisi ke husn-e-tabassum ki ek karan chhu kar

gulon ko baKHsh diya hum ne iKHtiyar-e-sahar

tera KHayal na aae tera KHayal aae

yahi KHizan hai sahar ki yahi bahaar-e-sahar

abhi to phul khile hain zara mahakne do

abhi se kaise utar jaega KHumar-e-sahar

shab-e-firaq ka har lamha hai hasin 'nashtar'

na aankh mein koi aansu na intizar-e-sahar