tamam waqt tumhin se kalam karte hain

tamām vaqt tumhīñ se kalām karte haiñ

shab-e-firāq kā yuuñ ehtimām karte haiñ

sajā.e rakhte haiñ har vaqt ham na.e din-rāt

tumhāre vāste ye iltizām karte haiñ

ḳhayāl-e-yār se karte haiñ sub.h kā āġhāz

umīd-e-yār ke saa.e meñ shaam karte haiñ

kahāñ miTe haiñ kisī se nuqūsh-e-ahl-e-shauq

jo nā-samajh haiñ vo ye sa.ī-e-ḳhām karte haiñ

chhupā ke rakkhe haiñ saaqī ne sāġhar-o-mīnā

isī sabab to fuġhāñ tishna-kām karte haiñ

ye be-sabab to nahīñ itne shohra-e-āfāq

tumhāre naam se ham apnā naam karte haiñ

ġham-e-hayāt se ādāb-e-zindagī sīkhe

ġham-e-hayāt kā ham ehtirām karte haiñ

tamam waqt tumhin se kalam karte hain

shab-e-firaq ka yun ehtimam karte hain

sajae rakhte hain har waqt hum nae din-raat

tumhaare waste ye iltizam karte hain

KHayal-e-yar se karte hain subh ka aaghaz

umid-e-yar ke sae mein sham karte hain

kahan miTe hain kisi se nuqush-e-ahl-e-shauq

jo na-samajh hain wo ye sai-e-KHam karte hain

chhupa ke rakkhe hain saqi ne saghar-o-mina

isi sabab to fughan tishna-kaam karte hain

ye be-sabab to nahin itne shohra-e-afaq

tumhaare nam se hum apna nam karte hain

gham-e-hayat se aadab-e-zindagi sikhe

gham-e-hayat ka hum ehtiram karte hain