tamashai to hain tamasha nahin hai

tamāshā.ī to haiñ tamāshā nahīñ hai

girā hai vo parda ki uThtā nahīñ hai

ye kis kī nazar de ga.ī rog yā-rab

sañbhāle se ab dil sañbhaltā nahīñ hai

taḌap jā.iyegā taḌap jā.iyegā

taḌapnā hamārā tamāshā nahīñ hai

bahut phāñs niklī bahut ḳhaar nikle

magar dil kā kāñTā nikaltā nahīñ hai

ye har shaḳhs kī lan-tarānī hai kaisī

ki har aañkh to chashm-e-mūsā nahīñ hai

salāmat mirī vahshat-e-dil salāmat

kahāñ merī vahshat kā charchā nahīñ hai

mirī jaan bhī hai ‘ināyat tumhārī

ye dil bhī tumhārā hai merā nahīñ hai

bulā.ī ga.ī un kī mahfil meñ duniyā

magar ek merā bulāvā nahīñ hai

zarā aap samjhā.iye dil ko nāseh

maiñ samjhā rahā huuñ samajhtā nahīñ hai

tumheñ dekhne ko tarastī haiñ āñkheñ

bahut din hue tum ko dekhā nahīñ hai

tamashai to hain tamasha nahin hai

gira hai wo parda ki uThta nahin hai

ye kis ki nazar de gai rog ya-rab

sanbhaale se ab dil sanbhalta nahin hai

taDap jaiyega taDap jaiyega

taDapna hamara tamasha nahin hai

bahut phans nikli bahut KHar nikle

magar dil ka kanTa nikalta nahin hai

ye har shaKHs ki lan-tarani hai kaisi

ki har aankh to chashm-e-musa nahin hai

salamat meri wahshat-e-dil salamat

kahan meri wahshat ka charcha nahin hai

meri jaan bhi hai ‘inayat tumhaari

ye dil bhi tumhaara hai mera nahin hai

bulai gai un ki mahfil mein duniya

magar ek mera bulawa nahin hai

zara aap samjhaiye dil ko naseh

main samjha raha hun samajhta nahin hai

tumhein dekhne ko tarasti hain aankhen

bahut din hue tum ko dekha nahin hai