tamanna hai ye aankhon ki tera didar aa dekhen

tamannā hai ye āñkhoñ kī tirā dīdār aa dekheñ

kabhī rauza tirā yā-ahmad-e-muḳhtār aa dekheñ

shifā ho jaa.e dam meñ kushta-e-hijr-e-mohammad ko

agar vo ḳhvāb meñ bhī hālat-e-bīmār aa dekheñ

ye dil thā un kā maskan mat ujaaḌ us ko ġham-e-hijrāñ

ġhazab aa jā.egā gar shāh-e-dīñ mismār aa dekheñ

na kuchh marne kā ġham ho aur na kuchh shikva ho furqat kā

agar hālat mirī vo sayyad-e-abrār aa dekheñ

jo maddāh-e-nabī par ta.ana-zan mumtāz hote haiñ

dikhā.eñ sher apne aur mire ash.ār aa dekheñ

tamanna hai ye aankhon ki tera didar aa dekhen

kabhi rauza tera ya-ahmad-e-muKHtar aa dekhen

shifa ho jae dam mein kushta-e-hijr-e-mohammad ko

agar wo KHwab mein bhi haalat-e-bimar aa dekhen

ye dil tha un ka maskan mat ujaD us ko gham-e-hijran

ghazab aa jaega gar shah-e-din mismar aa dekhen

na kuchh marne ka gham ho aur na kuchh shikwa ho furqat ka

agar haalat meri wo sayyad-e-abrar aa dekhen

jo maddah-e-nabi par tana-zan mumtaz hote hain

dikhaen sher apne aur mere ashaar aa dekhen