tamanna thi so marqad par gaya tha

tamannā thī so marqad par gayā thā

na samjho ye ki maiñ bhī mar gayā thā

ḳhudā se kyā gila sach to yahī hai

maiñ apnī hasratoñ se Dar gayā thā

nigāheñ muntazir the haath ḳhālī

phir ik mazdūr kaise ghar gayā thā

jo mushkil aa paḌī to vo na aa.e

magar ḳhush huuñ ki maiñ aksar gayā thā

zamīn-o-āsmāñ shāhid haiñ us ke

ki phailā chār-sū vo shar gayā thā

thī masjid dāvat-e-maslak tabhī maiñ

ḳhudā ko DhūñDne mandar gayā thā

banā kāfir musalmāñ ab hai hasrat

maiñ kāfir ko musalmāñ kar gayā thā

tamanna thi so marqad par gaya tha

na samjho ye ki main bhi mar gaya tha

KHuda se kya gila sach to yahi hai

main apni hasraton se Dar gaya tha

nigahen muntazir the hath KHali

phir ek mazdur kaise ghar gaya tha

jo mushkil aa paDi to wo na aae

magar KHush hun ki main aksar gaya tha

zamin-o-asman shahid hain us ke

ki phaila chaar-su wo shar gaya tha

thi masjid dawat-e-maslak tabhi main

KHuda ko DhunDne mandar gaya tha

bana kafir musalman ab hai hasrat

main kafir ko musalman kar gaya tha