تن کا دھیان نہ من کا گیان

تن کا دھیان نہ من کا گیان

تو کاہے کا ودیا وان

انسانوں سے پیار نہیں

پھر بھی کہلائے انسان

من مندر میں جھانک کے دیکھ

دور نہیں تجھ سے بھگوان

دنیا ایک سرائے ہے

تو ہے دو دن کا مہمان

یہ بھی کوئی جیون ہے

لاکھوں دکھ ہیں اور اک جان

تیری جان کے دشمن ہیں

لوبھ کرودھ مایا ابھیمان

من کی دولت پاس نہیں

اور کہلائے تو دھنوان

آشاؤں کو تج کر دیکھ

یہ دنیا ہے سورگ سمان

دھیان محل میں بیٹھ طفیلؔ

پریت کو ہی پرمیشور جان