تنگ ہم پر بھی ہماری دنیا
تنگ ہم پر بھی ہماری دنیا
دشمن عشق ہے ساری دنیا
زیست کی منزل مقصود نہیں
آخرت کی ہے سواری دنیا
ہم بھی اللہ کے پیارے اٹھیں
جب ہو اللہ کو پیاری دنیا
انگلیوں پر یہ نچائے سب کو
چاہتی کیا ہے مداری دنیا
ہم کہ دنیا کے نہیں دیوانے
مختلف تم سے ہماری دنیا
کیوں پنپتا ہے درخت الفت
کیوں چلا دیتی ہے آری دنیا
ساری دنیا کو ہرانے والی
ایک درویش سے ہاری دنیا
آہوئے وقت کہاں ہے راغبؔ
کس کے پیچھے ہے شکاری دنیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
