tang hum par bhi hamari duniya

tañg ham par bhī hamārī duniyā

dushman-e-ishq hai saarī duniyā

ziist kī manzil-e-maqsūd nahīñ

āḳhirat kī hai savārī duniyā

ham bhī allāh ke pyāre uTTheñ

jab ho allāh ko pyārī duniyā

uñgliyoñ par ye nachā.e sab ko

chāhtī kyā hai madārī duniyā

ham ki duniyā ke nahīñ dīvāne

muḳhtalif tum se hamārī duniyā

kyoñ panaptā hai daraḳht-e-ulfat

kyoñ chalā detī hai aarī duniyā

saarī duniyā ko harāne vaalī

ek darvesh se haarī duniyā

āhu-e-vaqt kahāñ hai 'rāġhib'

kis ke pīchhe hai shikārī duniyā

tang hum par bhi hamari duniya

dushman-e-ishq hai sari duniya

zist ki manzil-e-maqsud nahin

aaKHirat ki hai sawari duniya

hum bhi allah ke pyare uTThen

jab ho allah ko pyari duniya

ungliyon par ye nachae sab ko

chahti kya hai madari duniya

hum ki duniya ke nahin diwane

muKHtalif tum se hamari duniya

kyon panapta hai daraKHt-e-ulfat

kyon chala deti hai aari duniya

sari duniya ko harane wali

ek darwesh se haari duniya

aahu-e-waqt kahan hai 'raghib'

kis ke pichhe hai shikari duniya