tang-o-mahdud bahut husn-e-nazar tha pahle

tañg-o-mahdūd bahut husn-e-nazar thā pahle

zulf-o-ruḳhsār pe mauqūf hunar thā pahle

āne-jāne kā sarokār kahāñ se aayā

koī jaada na musāfir na safar thā pahle

ab bhī gardish meñ mirī dhuup rahā kartī hai

yahī saaya jo udhar hai ye idhar thā pahle

dar-o-dīvār se āzād bayābāñ phir ho

apne shorīda-saroñ kā yahī ghar thā pahle

mirī talvār pe hai razm purānī likkhī

mire ḳhāmosh lahū meñ bhī bhañvar thā pahle

ye tasavvur bhī palā āb-o-havā meñ merī

is zamīñ par na khaḌā aisā shajar thā pahle

tang-o-mahdud bahut husn-e-nazar tha pahle

zulf-o-ruKHsar pe mauquf hunar tha pahle

aane-jaane ka sarokar kahan se aaya

koi jada na musafir na safar tha pahle

ab bhi gardish mein meri dhup raha karti hai

yahi saya jo udhar hai ye idhar tha pahle

dar-o-diwar se aazad bayaban phir ho

apne shorida-saron ka yahi ghar tha pahle

meri talwar pe hai razm purani likkhi

mere KHamosh lahu mein bhi bhanwar tha pahle

ye tasawwur bhi pala aab-o-hawa mein meri

is zamin par na khaDa aisa shajar tha pahle