tanha na mahr mein hai ruKH-e-yar ki tarah

tanhā na mahr meñ hai ruḳh-e-yār kī tarah

mah meñ tamām us ke hai ruḳhsār kī tarah

hairān aise na.iiñ huī āñkhoñ ko us kī dekh

nargis chaman meñ rahtī hai bīmār kī tarah

maiñ sun ke jo qayās kiyā vo dahān-e-tang

ḳhandāñ to hai pe ḳhanda-e-sofār kī tarah

sīna-sipar huuñ bul-havasāñ kab ki yaar ke

paivasta abrū laḌte haiñ talvār kī tarah

rakhiyo hazar ai dil ki mujhe aaj be-tarah

aatī nazar hai shoḳh dil-āzār kī tarah

aġhyār us kī bazm meñ haiñ aur dar par aah

ham hī paḌe raheñge gunahgār kī tarah

kahte the qais-o-vāmiq-o-farhād vāh-vā

koī āshiqī kare to 'jahāñdār' kī tarah

tanha na mahr mein hai ruKH-e-yar ki tarah

mah mein tamam us ke hai ruKHsar ki tarah

hairan aise nain hui aankhon ko us ki dekh

nargis chaman mein rahti hai bimar ki tarah

main sun ke jo qayas kiya wo dahan-e-tang

KHandan to hai pe KHanda-e-sofar ki tarah

sina-sipar hun bul-hawasan kab ki yar ke

paiwasta abru laDte hain talwar ki tarah

rakhiyo hazar ai dil ki mujhe aaj be-tarah

aati nazar hai shoKH dil-azar ki tarah

aghyar us ki bazm mein hain aur dar par aah

hum hi paDe rahenge gunahgar ki tarah

kahte the qais-o-wamiq-o-farhad wah-wa

koi aashiqi kare to 'jahandar' ki tarah