tanhai jahan zikr-e-ruKH-e-yar kare hai

tanhā.ī jahāñ zikr-e-ruḳh-e-yār kare hai

har ġham ko charāġh-e-sar-e-dīvār kare hai

vo pursish-e-ġham ho ki tirā lutf-o-karam ho

dīvāna to har baat se inkār kare hai

muddat huī ham shahr-e-tamannā se chale aa.e

kyoñ ham se sabā zikr-e-ruḳh-e-yār kare hai

be-rabt sī nazroñ meñ vo andāz-e-ta'alluq

har marhala-e-zīst ko dushvār kare hai

zanjīr na pahnī ki garebāñ na kiyā chaak

yuuñ bhī koī rusvā sar-e-bāzār kare hai

tanhai jahan zikr-e-ruKH-e-yar kare hai

har gham ko charagh-e-sar-e-diwar kare hai

wo pursish-e-gham ho ki tera lutf-o-karam ho

diwana to har baat se inkar kare hai

muddat hui hum shahr-e-tamanna se chale aae

kyon hum se saba zikr-e-ruKH-e-yar kare hai

be-rabt si nazron mein wo andaz-e-ta'alluq

har marhala-e-zist ko dushwar kare hai

zanjir na pahni ki gareban na kiya chaak

yun bhi koi ruswa sar-e-bazar kare hai