tanhai ki KHalij hai yun darmiyan mein
tanhā.ī kī ḳhalīj hai yuuñ darmiyān meñ
har shaḳhs jaise qaid ho andhe makān meñ
us ke laboñ pe sāt-samundar kā aks thā
sadiyoñ kī pyaas jazb thī merī zabān meñ
aa.ī agar ghaTā use sūraj ne khā liyā
ab ke baras bhī aag lagī āsmān meñ
Takrā ke iḳhtilāf kī dīvār toḌ dī
ziddī thā sar-buland huā ḳhāndān meñ
yuuñ bhī dahakte dasht se kyā kam thī zindagī
be-kār dhuup kuud paḌī darmiyān meñ
behtar hai apne-āp se kuchh bolte raho
yuuñ chup rahe to zañg lagegā zabān meñ
tanhai ki KHalij hai yun darmiyan mein
har shaKHs jaise qaid ho andhe makan mein
us ke labon pe sat-samundar ka aks tha
sadiyon ki pyas jazb thi meri zaban mein
aai agar ghaTa use suraj ne kha liya
ab ke baras bhi aag lagi aasman mein
Takra ke iKHtilaf ki diwar toD di
ziddi tha sar-buland hua KHandan mein
yun bhi dahakte dasht se kya kam thi zindagi
be-kar dhup kud paDi darmiyan mein
behtar hai apne-ap se kuchh bolte raho
yun chup rahe to zang lagega zaban mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
