tanhai ne par phailae raat ne apni zulfen

tanhā.ī ne par phailā.e raat ne apnī zulfeñ

palkoñ par ham taare le kar chāñd kā rasta dekheñ

ye duniyā hai is duniyā kā rañg badaltā jaa.e

us parbat se paañv phisle jis parbat ko chhū leñ

kaise pyaas bujhāte dariyā ret kā dariyā niklā

lahr lahr meñ mauj chhupī thī dhoke meñ thī āñkheñ

jis ko man kā miit banāyā āḳhir dushman Thahrā

kis kis ko ham miit banā.eñ kis kis se ham uljheñ

lohā sonā ban saktā hai patthar hiirā motī

soch samajh kī baat hai saarī kuchh socheñ kuchh samjheñ

apnā dard bhulā deñ ai dil us ke dard kī ḳhātir

apne ghaav yaad na aa.eñ chāñd kā ghaav dekheñ

tanhai ne par phailae raat ne apni zulfen

palkon par hum tare le kar chand ka rasta dekhen

ye duniya hai is duniya ka rang badalta jae

us parbat se panw phisle jis parbat ko chhu len

kaise pyas bujhate dariya ret ka dariya nikla

lahr lahr mein mauj chhupi thi dhoke mein thi aankhen

jis ko man ka mit banaya aaKHir dushman Thahra

kis kis ko hum mit banaen kis kis se hum uljhen

loha sona ban sakta hai patthar hira moti

soch samajh ki baat hai sari kuchh sochen kuchh samjhen

apna dard bhula den ai dil us ke dard ki KHatir

apne ghaw yaad na aaen chand ka ghaw dekhen