tanhaiyon ki raat baDi dur tak gai

tanhā.iyoñ kī raat baḌī duur tak ga.ī

chhoTī sī ek baat baḌī duur tak ga.ī

ham to har imtihāñ meñ hue surḳh-rū magar

majbūrī-e-hayāt baḌī duur tak ga.ī

tishna-labī to ziist kā auj-e-kamāl thī

go ki lab-e-furāt baḌī duur tak ga.ī

vā'iz tumhārī jannat-o-dozaḳh kī ḳhair ho

rindoñ kī kā.enāt baḌī duur tak ga.ī

bichhḌe har ek moḌ pe sāthī bahut magar

ik yaad mere saat baḌī duur tak ga.ī

ham ne sabhī ko chāhā muqarrar hudūd meñ

lekin tumhārī zaat baḌī duur tak ga.ī

tanhaiyon ki raat baDi dur tak gai

chhoTi si ek baat baDi dur tak gai

hum to har imtihan mein hue surKH-ru magar

majburi-e-hayat baDi dur tak gai

tishna-labi to zist ka auj-e-kamal thi

go ki lab-e-furaat baDi dur tak gai

wa'iz tumhaari jannat-o-dozaKH ki KHair ho

rindon ki kaenat baDi dur tak gai

bichhDe har ek moD pe sathi bahut magar

ek yaad mere sat baDi dur tak gai

hum ne sabhi ko chaha muqarrar hudud mein

lekin tumhaari zat baDi dur tak gai