dosti ho gai hai KHalwat se
dostī ho ga.ī hai ḳhalvat se
chāhtā thā yahī maiñ muddat se
hai kahāñ vaqt ik qulī ko jo
bachchoñ ko dekh paa.e fursat se
tang-dastī kī den hai ki vo shaḳhs
gul churātā hai merī turbat se
koī samjhā nahīñ shajar ke dukh
chhāñv sab ne ḳharīdī daulat se
mushkileñ ziina chaḌhtī haiñ jab bhī
hausle kuud jaate haiñ chhat se
tum bane ho mire liye 'abtar'
ye sadā aa rahī hai jannat se
dosti ho gai hai KHalwat se
chahta tha yahi main muddat se
hai kahan waqt ek quli ko jo
bachchon ko dekh pae fursat se
tang-dasti ki den hai ki wo shaKHs
gul churaata hai meri turbat se
koi samjha nahin shajar ke dukh
chhanw sab ne KHaridi daulat se
mushkilen zina chaDhti hain jab bhi
hausle kud jate hain chhat se
tum bane ho mere liye 'abtar'
ye sada aa rahi hai jannat se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
