tanKHwah-e-tabar bahr-e-daraKHtan-e-kuhan hai

tanḳhvāh-e-tabar bahr-e-daraḳhtān-e-kuhan hai

jo shāḳh phalī hai vo bar-āvard-e-chaman hai

gulshan se anādil ko qafas meñ hai sivā chain

ārām jahāñ ho vo ġharīboñ kā vatan hai

hai ālam-e-tiflī se ayaañ maut kā sāmāñ

ġhunche kā jo malbūs hai vo gul kā kafan hai

hai hukm ki marne meñ na ab der lagā.eñ

ye qaid faqat bahr-e-asīrān-e-kuhan hai

ai zo.af ye chhuTnā hai mujhe qaid se bad-tar

jo tār-e-nafas hai mirī gardan meñ rasan hai

tanKHwah-e-tabar bahr-e-daraKHtan-e-kuhan hai

jo shaKH phali hai wo bar-award-e-chaman hai

gulshan se anadil ko qafas mein hai siwa chain

aaram jahan ho wo gharibon ka watan hai

hai aalam-e-tifli se ayan maut ka saman

ghunche ka jo malbus hai wo gul ka kafan hai

hai hukm ki marne mein na ab der lagaen

ye qaid faqat bahr-e-asiran-e-kuhan hai

ai zoaf ye chhuTna hai mujhe qaid se bad-tar

jo tar-e-nafas hai meri gardan mein rasan hai